Mambodhana

Kiwango cha riba na akiba za mabenki ni chombo muhimu sana kwa kukuza biashara na uchumi. Hii ni kwa sababu viwango viliopo huchangia kuvutia ama kutimua wateja ambao mara nyingi huwa ni wafanyibiashara. Kiwango cha kukopa kikiwa juu, wakopi hushindwa kulipa madeni yao. Lakini, wakopeshaji   wakiwa na mioyo ya kibepari kama Shailoki wa Venisi, hukimbilia   kuuza mali yao bila huruma wakidai walipwe kwa ‘haki na haka ya hati yao’. Kenya, kama nchi, imelaumiwa   kwa kuwa na kiasi kidogo cha uwekezaji wa   akiba. Hata hivyo, wakosoaji   wamekataa kutambua kuwa faida ya mtu kuziacha pesa benki ni duni. Hii ni kufuatia   kuwa mvuvumko wa bei ya bidhaa mara nyingi huwa juu kushinda mapato yanaolipwa na hazina za benki   au taasisi zingine za kifedha. Hali hii huwatoa watu hamu ya kuwaacha pesa kwa akaunti   ya hazina. Lakini juhudi za serikali zinawezadhibiti tabia mbaya ya taasisi za fedha na mabenki kama picha hapo juu inavyoonesha. Ni bayana kuwa siku

Tangu tupate Uhuru wa nchi mwaka wa 1963, tumekuwa na magavana 9 wa benki kuu. Magavana hawa bila shaka walijitahidi na kukabiliana na mfuriko wa bei kama ilivyo jukumu lao. Lakini ni bayana kuwa wengine hawakutia bidi ipasavyo, na hivyo, hawakudhibiti hali ngumu ya maisha kwa wananchi. Hata hivyo sote tunafahamu kuwa mbinu walionazo wakati mwingine si tosha kutimiza lengo hilo. Ndio basi tunawakashifu waliolemewa kwa huruma.  Hata hivyo, pia gavana mkaidi ama baramaki anawezavuruga uchumi kwa   kuweka sera duni za kifedha kama vile kuuidhinisha kuchapishwa sarafu zaidi kuliko kiwango hitajika. Utepetevu   mwingine unatokana na kukoza kukagua mabenki za biashara vyema. Gavana mwangaifu anafahamu kuwa jukumu lake ni kutetea sera za kukuza uchumi ya nchi na si kuwafurahisha wanasiasa. Ni vyema basi kumpa kondele bw. Micah Cheserem kwa kuweka rekodi   ya gavana aliyeshukisha mvuvumiko wa bei kwa kiwango cha juu zaidi kutoka kwa mtangulizi wake.